Qaraqalpaqstan wálayatı

Davletovuz Telegram-kanalınıń xabar beriwinshe, Ózbekstannıń birneshe wálayatları Qaraqalpaqstan Respublikasınıń rayonların rawajlandırıwǵa shaqırılǵan eken. Mısal retinde, Surxandárya wálayatı Taqıyatas rayonın, Ferǵana — Bozatawdı, Sırdárya — Qanlıkóldi, Ándijan — Kegeylini rawajlandırıwǵa kómeklesedi eken.

Qaraqalpaqstannıń úlken respublika statusı bolǵanı menen, ol tek qaǵazda ǵana qalǵan, reallıqta bolsa basqa wálayatlardan heshqanday parqı joq. Men túsiner edim, eger “civilizaciya” kórgen mámleketlerdiń kadrları kelip, tájiriybeleri menen bólisse, biraq otız jıldan berli bir sistemada “tárbiya” alǵanlar kelip, ne nárseni úyrete alıwına men hayranman.

Bul, birinshi náwbette, respublika basshılarınıń júzine úlken “shapalaq” boldı dep oylayman. Óz qaramaǵıńızdaǵı aymaǵıńızdı sál bolsa da rawajlandıra almaysız ba, onda basqalar kelip aqıl úyrete baslasa, qapa bolmań.